⚡️ ЗША могуць пайсці на здзелкі з расеяй і скараціць ваенную прысутнасць у Еўропе Адміністрацыя Дональда Трампа разглядае магчымасць заключэння бізнес-здзелак з расеяй яшчэ да заканчэння вайны ва Украіне, паведамляе The New York Times. Паводле выдання, Вашынгтон хоча прадэманстраваць Маскве сур’ёзнасць намераў па аднаўленні адносінаў і стварыць для расейскай эліты дадатковыя стымулы для спынення вайны. Паралельна ЗША могуць скараціць сваю ваенную прысутнасць у Еўропе. Паводле NBC News, разглядаецца вывад каля 25 тысяч амерыканскіх вайскоўцаў, што складае амаль траціну цяперашняга кантынгенту. Больш радыкальны сцэнар прадугледжвае скарачэнне прысутнасці на 40 тысяч чалавек — прыкладна ўдвая. З Еўропы таксама могуць вывесці частку самалётаў, караблёў і ўзбраенняў, а асноўныя змены могуць закрануць Нямеччыну, Італію і Гішпанію. Такія планы могуць істотна паўплываць на еўрапейскую бяспеку і адносіны паміж ЗША, расеяй і краінамі NATO, аднак канчатковыя рашэнні Вашынгтона пакуль не прынятыя.