33-гадовую ўраджэнку Глыбокага Кацярыну Бартко вызвалілі з іміграцыйнай турмы ICE ў Канзасе пасля рэзкага пагаршэння здароўя і шпіталізацыі. Жанчына перанесла рак і жыве без шчытападобнай залозы, таму штодня мае патрэбу ў леках. Раней яе блізкія паведамлялі пра сур'ёзныя праблемы з атрыманнем медыкаментаў у зняволенні. Цяпер Кацярына знаходзіцца ў бальніцы Канзаскага ўніверсітэта. Пасля лячэння ёй дазволяць вярнуцца ў Маямі пад GPS-маніторынгам. Яе справа аб прадастаўленні прытулку, звязаная з палітычным пераследам у Беларусі, працягваецца.