Яшчэ крыху падрабязней пра міжнародны праект «З Украінай у сэрцы», які мы прэзентавалі ў Нацыянальным універсітэце «Львоўская політэхніка» з нагоды 512-й гадавіны Бітвы пад Воршай. За аснову праекта ўзятая выстава «З Украінай у сэрцы», прысвечаная беларускім героям, якія аддалі свае жыцці ва Украіне ў барацьбе супраць Расійскай імперыі. Яна ўжо была прадстаўлена ў 29 лакацыях ва Украіне, Сейме Літвы і Варшаве. Цяпер да гісторый беларускіх герояў дадаюцца гісторыі польскіх і літоўскіх герояў. У стварэнні і развіцці гэтага міжнароднага праекта прынялі ўдзел прадстаўнікі Польскага Легіёна, літоўскія валанцёры, а таксама гісторык, пісьменнік і прафесар Львоўскага нацыянальнага ўніверсітэта імя Івана Франка Ігар Падкова. Праект рэалізуецца без грантаў — уласнымі сродкамі і ўласнымі сіламі. Беларусы, палякі і літоўцы зноў плячом у плячо — за свабоду Украіны і за нашу і вашу свабоду. Слава Героям! Слава Україні! Жыве Беларусь! ZA NASZĄ I WASZĄ WOLNOŚĆ! Vardan Tos!