Москва і Мінск каардынуюць праверку боегатоўнасці беларускай арміі Прэс-сакратар Крамля Дзмітрый Пяскоў заявіў,што Масква і Мінск каардынуюць большую частку мерапрыемстваў па праверцы боегатоўнасці беларускай арміі. Пры гэтым Беларусь праводзіць і самастойныя праверкі,аднак,паводле заявы Пяскова, асноўная частка мерапрыемстваў усё ж узгадняецца з Расіяй. Напярэдадні Лукашэнка заявіў,што беларускую армію неабходна «ўзрушыць» і праверыць увесь сілавы блок,аж да мабілізацыі. Фактычная каардынацыя Масквы і Мінска азначае,што праверка боегатоўнасці беларускай арміі разглядацца не толькі як унутраная беларуская працэдура, але і як частка агульнай ваеннай сістэмы Саюзнай дзяржавы. Асобная ўвага да мабілізацыйнай гатоўнасці сведчыць пра тое, што беларускія ўлады правяраюць не толькі стан войска, але і здольнасць хутка разгарнуць рэсурсы ў выпадку абвастрэння ваеннага крызісу. Для Беларусі гэта азначае далейшае збліжэнне ваеннага планавання з Расіяй і ўсё меншую самастойнасць Мінска ў пытаннях абароны і бяспекі.