Уіткоф і Кушнер маглі трапіць у Кіеў праз Беларусь Пасланнікі прэзідэнта ЗША Стыў Уіткоф і Джарэд Кушнер маглі прыехаць у Кіеў праз Беларусь. Паводле Уладзіміра Зяленскага, гэты маршрут загадзя прапрацавалі ўкраінскія службы. Амерыканцы маглі прыляцець у Беларусь, а затым наземным шляхам ехаць праз Гомель ва Украіну. Таксама разглядалася магчымасць іх прылёту непасрэдна ў Кіеў, але для гэтага спатрэбіліся б гарантыі бяспекі ад Расіі. У выніку Уіткоф і Кушнер абралі традыцыйны маршрут — прыехалі ў Кіеў цягніком праз Польшчу.