У Швецыі затрымалі 30-гадовага беларуса, які фатаграфаваў ахоўныя прамысловыя аб’екты ў горадзе Карлскуга. Ён рабіў здымкі ў прамысловай зоне Б’ёркборн, дзе размешчаныя прадпрыемствы абароннай і хімічнай прамысловасці. Сярод іх — Saab Dynamics, Eurenco Bofors і Nammo Sweden, якія вырабляюць боепрыпасы, выбуховыя рэчывы і кампаненты для іх. Паліцыя канфіскавала ў беларуса фотаапарат і камп’ютарнае абсталяванне. За незаконную здымку ахоўных аб’ектаў у Швецыі пагражае штраф або да аднаго года пазбаўлення волі.