Літоўская выведка не пацвердзіла рост ваеннай пагрозы зь Беларусі Літоўская выведка не пацьвердзіла заявы Сьвятланы Ціханоўскай пра ўзрастаньне ваеннай пагрозы з боку Беларусі. У Вільні заявілі, што новых расейскіх манэўраных частак, здольных стварыць непасрэдную пагрозу Літве, Латвіі ці Польшчы, не выяўлена. Пры гэтым у Беларусі працягваюць дзейнічаць расейскія вайсковыя аб’екты. Дарадца прэзыдэнта Літвы Дэйвідас Матулёніс заявіў: «З боку Беларусі на сёньня мы ня бачым узрастаньня пагрозы». Паводле яго, Лукашэнка цяпер, імаверна, не зацікаўлены ў непасрэдным удзеле ў вайне супраць Украіны. У Літве таксама адзначаюць спробы Менску аднавіць адносіны з Захадам і ЗША.