Дзе толькі расіяне не знаходзяць наймітаў для працягу вайны! Адлегласць паміж Непалам і Кубай — больш за 14 тысяч кіламетраў. А непалец Суджан Субедзі і кубінец Йоандзі Дэ Ла Пас Лара сустрэліся ва Украіне, куды іх адправілі ваяваць у складзе расійскай арміі. Такіх, як яны, у расійскае войска вярбуюць падманам або прымусам і адпраўляюць у «мясныя штурмы». Ім пашанцавала — трапіўшы ў палон, яны засталіся жывыя. Як і найміт са значна бліжэйшых краёў — славак Яраслаў Галайчык. Цяпер праз украінскі праект «Хачу знайсці» яны могуць нават звязацца са сваімі роднымі.