🪖 Беларусь рыхтуецца да вялікага крызісу? У Беларусі прыкметна ўзрасла актыўнасць тэрытарыяльных войскаў. З канца сакавіка МА паведаміла як мінімум пра 11 адпаведных мерапрыемстваў. Ваенны і прадстаўнік Аб’яднанага пераходнага кабінета па пытаннях абароны і нацыянальнай бяспекі Вадзім Кабанчук лічыць, што ўлады фактычна тэстуюць усю сістэму бяспекі краіны. Кабанчук: Усё гэта сведчыць пра тое, што яны праводзяць тэставанне ўсёй сістэмы: мілітарнай, унутранай бяспекі і ўстойлівасці.Разам з рэгулярным войскам усё часцей задзейнічаюцца тэрытарыяльныя войскі, запаснікі, народнае апалчэнне, міліцыя і КДБ. У 2026 годзе ў Гарадзенскай вобласці ўпершыню пры незалежнай Беларусі правялі поўную мабілізацыю вайсковай часткі па ўзоры ваеннага часу. Гэта падрыхтоўка да нейкага буйнога крызісу, які набліжаецца да Беларусі. Гэта сведчыць пра новую эскалацыю з боку Расіі і адзначае ператварэнне Беларусі ў расійскі вайсковы плацдарм. Беларусь Пуцін разглядае як плацдарм праецыравання сілы на ўвесь рэгіён.