КДБ правёў ператрусы ў магілёўцаў, якія нядаўна наведвалі ЕС У Магілёве супрацоўнікі КДБ прыйшлі з ператрусамі і пытаннямі да жыхароў горада, якія нядаўна наведвалі краіны Еўрасаюза. Паводле MAYDAY TEAM, гэта адбылося ў другой палове жніўня. Сілавікі цікавіліся магчымымі кантактамі людзей з прадстаўнікамі беларускага дэмакратычнага руху, а таксама правяралі тэлефоны і іншую тэхніку. Інфармацыі пра затрыманні пакуль няма. Чарговы выпадак паказвае, што беларускія спецслужбы ўзмацняюць кантроль за беларусамі, якія выязджаюць у ЕС і могуць падтрымліваць кантакты з дэмакратычнымі сіламі. Фактычна нават звычайная паездка за мяжу можа стаць падставай для цікавасці КДБ.