Ініцыятыва food4bel Сяргея Мельянца пад пагрозай спынення Ініцыятыва food4bel, створаная ў Варшаве былым палітвязнем Сяргеем Мельянцом, можа спыніць сваю дзейнасць. На працягу паўтара года яна бясплатна дапамагала прадуктамі і рэчамі людзям ва ўразлівым становішчы.Сярод атрымальнікаў дапамогі былі як беларусы, так і ўкраінцы. Паводле Мельянца, апошнім часам вакол ініцыятывы ўзніклі канфлікты і розныя прэтэнзіі. Ён адзначае, што не ведае, як выйсці з сітуацыі, але разумее, наколькі важная гэтая дапамога для маламаёмных людзей. Атрымальнікі дапамогі баяцца, што ў выпадку закрыцця food4bel застануцца без неабходнай падтрымкі. Для некаторых сем’яў і людзей з інваліднасцю гэта можа стаць сапраўднай жыццёвай праблемай. Людзі заяўляюць, што гатовыя змагацца за добрае імя Сяргея Мельянца і захаванне ініцыятывы.