Беларускае прадпрыемства «Ронтэк машын тулс» пастаўляла абсталяванне расійскім кампаніям, звязаным з ВПК. За перыяд з верасня 2022 па чэрвень 2025 года сума паставак перавысіла 8,3 мільёна долараў. Вытворчыя магутнасці кампаніі размешчаны ў кітайска-беларускім індустрыяльным парку «Вялікі камень». Прадпрыемства спецыялізуецца на стварэнні высокадакладных апрацоўчых цэнтраў і машынабудаванні. Факты супрацоўніцтва з расійскай ваеннай прамысловасцю выкрыў Беларускі расследавальніцкі цэнтр.