Украінец падазраецца ў перадачы Беларусі вайсковага праграмнага забеспячэння. Паводле «Радыё Свабода», некалькі грамадзян Украіны могуць быць звязаныя са справай аб перадачы ПЗ для авіяцыйнага трэнажора КТС-21М. Адзін з падазраваных нібыта працуе ў «Аэрамашы» ў Мачулішчах пад Мінскам. На КТС-21М рыхтуюць пілотаў вайсковых самалётаў МіГ-29. Следства сцвярджае, што ПЗ перадалі праз месенджар у абыход санкцый, а за гэта падазраваны атрымаў $1000. Падчас ператрусу ў яго канфіскавалі тэлефоны і электронныя носьбіты. Раней расследавальнікі паведамлялі, што больш за 100 беларускіх прадпрыемстваў выконваюць ваенныя замовы для Расіі.