Чэшскі суд стаў на бок 23-гадовага беларуса Якава Кудзялевіча і адмяніў адмову ў міжнароднай абароне. Якаў пакінуў Беларусь у 17 гадоў пасля пратэстаў 2020 года і пазней сутыкнуўся з праблемамі легалізацыі ў Чэхіі. У красавіку яго знайшлі без прытомнасці ў прыёмным цэнтры для мігрантаў пасля спробы самагубства. . Ён правёў 73 дні ў коме, але пазней прыйшоў у сябе. Бацька Якава падзякаваў праваабаронцам, юрыстам і ўсім, хто падтрымліваў сям’ю падчас чатырохмесячнага разгляду справы.