🚨Уначы жыхары Люблінскага і Падкарпацкага ваяводстваў атрымалі Alert RCB праз масіраваную расійскую атаку на захад Украіны. Польскія ВПС былі паднятыя ў паветра, а сістэмы СПА пераведзеныя ў стан павышанай гатоўнасці. Раніцай папярэджанне адмянілі: парушэння паветранай прасторы Польшчы не зафіксавана. 🚨 У Румыніі ўначы беспілотнік упаў каля мяжы з Украінай, пасля чаго ўзнік пажар. Інцыдэнт адбыўся прыкладна за 4 км на паўночны ўсход ад горада Грынду ў павеце Тулча, у бязлюднай мясцовасці. Паводле Мінабароны Румыніі, пацярпелых няма. 🚨Уначы 20 жніўня расійскія дроны атакавалі пункт пропуску на ўкраінска-малдаўскай мяжы ў Адэскай вобласці. Пра гэта паведаміў прэзідэнт Украіны Уладзімір Зяленскі. У выніку атакі пацярпела грамадзянская інфраструктура.