🏆 Былы палітвязень Андрэй Аляксандраў атрымаў прэмію Free Media Awards 2026 Медыяменеджару і былому палітвязню Андрэю Аляксандраву ўручылі прэмію Free Media Awards 2026 на цырымоніі ў Музеі Мунка ў Осла. Пра гэта паведамляе "Позірк". Падчас выступу ён заявіў, што незалежная журналістыка фактычна выцясняецца з Беларусі, а журналісты апынаюцца ў зняволенні або ў выгнанні. Былы палітвязень прысвяціў узнагароду калегам, якія працягваюць працаваць у выгнанні або знаходзяцца за кратамі. Ён таксама нагадаў, што ў Беларусі па-ранейшаму застаюцца ў зняволенні 15 прадстаўнікоў медыясферы. Фотаздымак "Позірк".