🔴Президент қолган вазирликларни ҳам Янги Тошкентга кўчиришни бошлашни топширди Президент Шавкат Мирзиёев Бош вазирга қолган вазирликлар ва давлат ташкилотларини ҳам Янги Тошкентга кўчиришни бошлаш вазифасини қўйди. Бу ҳақда Президент матбуот хизмати маълум қилди. Ҳозир Қурилиш ва уй-жой коммунал хўжалиги, Транспорт ҳамда Энергетика вазирликлари Янги Тошкентдаги енгил конструкцияли биноларда ишламоқда. Шунингдек, вазирлик ва идораларнинг 2,6 минг нафар ходими учун 9 та бино қурилмоқда. Кўчиш жараёнида давлат ташкилотларининг пойтахтдаги мавжуд биноларини сотиш масаласи ҳам кўриб чиқилади. Маълумот учун, Давлат активларини бошқариш агентлигининг 2026 йил 25 сентябрдаги маълумотига кўра, Тошкентда вазирлик ва идораларга тегишли еттита маъмурий бино жами 868,8 млрд сўмга сотилган. Улар орасида Транспорт, Спорт ҳамда Қурилиш ва уй-жой коммунал хўжалиги вазирликларининг бинолари ҳам бор. Яна 11 та объект 1 трлн 95,8 млрд сўмлик бошланғич нархда савдога чиқарилган. Telegram|Instagram | You Tube | Facebook | X