Uzdiplomat | Расмий канал

@uzdiplomat · news · Belarusian · active

Subscribers 34.8K Subscribers, last 30 days: 34.8K → 34.8K +0 24h
Reach per post (ERR) 22.5%7.8K avg views
Posting 8.7/day last 27 minutes ago
Reactions per 1K views 9.2 👍 ❤ 🤣

🔴Тошкентда 200 млн доллардан зиёдлик Миллий музей қурилмоқда Президент Шавкат Мирзиёев Тошкент марказида барпо этилаётган Ўзбекистон Миллий музейи қурилиши билан танишди. Давлат раҳбари матбуот хизмати улашган видеодан кўринадики, ҳозир объект пойдевори, муҳандислик тармоқлари ва асосий иншоотларда қурилиш-монтаж ишлари олиб борилмоқда. Музей Миллий боғ ҳудудида, Абулқосим мадрасаси ва Халқлар дўстлиги саройи яқинида қурилмоқда. 2025 йилда тақдим этилган маълумотларга кўра, лойиҳанинг умумий қиймати 200 млн доллардан ортиққа баҳоланган, музейни 2028 йилда очиш режалаштирилган. 3,9 гектар майдонни эгаллайдиган мажмуа биносининг ўзи 40 минг квадрат метрдан ортиқ бўлади. У уч қаватли асосий бино ва икки қаватли ерости қисмидан иборат. Бош пудратчи — Хитойнинг CSCEC International Construction компанияси. Музей лойиҳасини 1995 йилда меъморчилик соҳасидаги энг нуфузли мукофот — Прицкер мукофотига сазовор бўлган япониялик меъмор Тадао Андо ишлаб чиққан. Унинг меъморий ечими айлана, тўртбурчак ва учбурчак шаклларининг уйғунлигига асосланган. Экспозиция концепциясини Германиянинг Atelier Brückner студияси тайёрлаган. Мажмуа майдонининг 60 фоизи таълим ва илмий фаолият учун ажратилади. Бу ерда кўргазма заллари, кутубхона, реставрация лабораториялари, экспонатлар сақланадиган махсус хоналар, конференция ва маъруза заллари жойлашади. Шунингдек, кафе-ресторанлар ва болалар майдончалари ҳам ташкил этилади. Музей бир вақтнинг ўзида 3,5 минг нафаргача ташриф буюрувчини қабул қила олади. Залларда қарийб 10 мингта тарихий ва санъат асарини намойиш этиш режалаштирилган. Янги музей қурилишига мавжуд кўргазма майдонларининг етишмаслиги ҳам сабаб бўлган. Аввал эълон қилинган маълумотларга кўра, Тошкентдаги 30 та музейда бир миллиондан зиёд экспонат сақланади. Жумладан, Давлат санъат музейидаги 100 мингга яқин асарнинг атиги 2,4 мингтаси намойишга қўйилган, қолганлари жой танқислиги сабаб фондларда сақланмоқда. Келгусида Лувр, Метрополитен ва Британия музейи билан қўшма кўргазмалар ўтказиш ҳам режалаштирилган. Telegram | Instagram | You Tube | Facebook | X

Views over time

02.5K5K7.5K10K11 Sep 13:4214 Nov 04:168.9K11 Sep 13:42: 0 views14 Nov 04:16: 8,940 views
Snapshots we took after posting.
WhenViews
11 Sep 2026, 13:420
14 Nov 2026, 04:168.9K

Who shared this post

Posts in other channels we index that link to this one. (Forwards with a hidden source can't be traced.)

Nobody yet.