Uzdiplomat | Расмий канал

@uzdiplomat · news · Belarusian · active

Subscribers 34.8K Subscribers, last 30 days: 34.8K → 34.8K +0 24h
Reach per post (ERR) 22.5%7.8K avg views
Posting 8.7/day last 28 minutes ago
Reactions per 1K views 9.2 👍 ❤ 🤣

Озарбайжон банки Davr Bank назорат пакетини 140 млн долларга сотиб олди Озарбайжоннинг энг йирик банки — ABB Ўзбекистондаги Davr Bank акцияларининг 51 фоизини 1,646 трлн сўмга, қарийб 140 млн долларга сотиб олди. Битим 10 сентябрь куни Тошкент республика фонд биржасида расмийлаштирилди. ABB жами 51 млн дона оддий акцияни, ҳар бирини 32 281,28 сўмдан харид қилган. Савдо биржада олтита кетма-кет битим орқали амалга оширилган. Битим нархидан келиб чиқилса, Davr Bank капитали қарийб 280 млн долларга баҳоланган. Аслида, ABBнинг Ўзбекистон бозорига кириши бўйича ишлар бир неча ойдан бери давом этаётган эди. Май ойида банк раҳбари Аббос Иброҳимов Davr Bank назорат пакетини сотиб олиш бўйича музокаралар якунланганини маълум қилган. Июнь ойида эса Ўзбекистон Марказий банкида ABB раҳбарияти билан учрашув ўтказилиб, 51 фоиз улушни сотиб олиш режаси расман муҳокама қилинган. ABB Davr Bank’ни замонавий технологиялар, рақамли трансформация ва илғор банк амалиётлари асосида ривожлантириш ниятини билдирган. 23 август куни Тошкентда Шавкат Мирзиёев ва Илҳом Алиев онлайн иштирокида «ABB Davr» лойиҳаси расман ишга туширилган. Илҳом Алиев буни Озарбайжоннинг етакчи молия институтларидан бирининг Ўзбекистон бозорига кириши сифатида баҳолаган. Яна бир муҳим жиҳат бор. Davr Bank акциядорлари июнда ABBга кейинчалик банкнинг қўшимча 23 фоиз акциясини сотиб олиш ҳуқуқини берувчи опцион битими имкониятини ҳам муҳокама қилишга келишган. Агар бу амалга ошса, Озарбайжон банкининг Davr Bank’даги улуши назарий жиҳатдан 74 фоизгача етиши мумкин. Davr Bank 2001 йилдан бери ишлайди. ABB раҳбарияти берган маълумотларга кўра, унинг активлари қарийб 1 млрд доллар, мижозлари 1,4 млндан зиёд ва 43 та филиал ҳамда хизмат кўрсатиш нуқтаси мавжуд. Банк кичик ва ўрта бизнес сегментида фаол ишлайди, ОТБ ва ЕТТБ каби халқаро молия институтлари билан ҳамкорлик қилади. ABBнинг ўзи 1992 йилда ташкил этилган ва унинг 92,2 фоиз акцияси Озарбайжон давлатига тегишли. Шу маънода, Davr Bank назорат пакетининг сотилиши Ўзбекистон банк бозорига оддий хорижий хусусий инвестор эмас, балки асосан Озарбайжон давлатига қарашли йирик банк кириб келаётганини англатади. Telegram | Instagram | You Tube | Facebook | X

Views over time

02.5K5K7.5K11 Sep 05:4714 Nov 04:167.8K11 Sep 05:47: 0 views14 Nov 04:16: 7,770 views
Snapshots we took after posting.
WhenViews
11 Sep 2026, 05:470
14 Nov 2026, 04:167.8K

Who shared this post

Posts in other channels we index that link to this one. (Forwards with a hidden source can't be traced.)

Nobody yet.