Uzdiplomat | Расмий канал

@uzdiplomat · news · Belarusian · active

Subscribers 34.8K Subscribers, last 30 days: 34.8K → 34.8K +0 24h
Reach per post (ERR) 22.5%7.8K avg views
Posting 8.7/day last 23 minutes ago
Reactions per 1K views 9.2 👍 ❤ 🤣

🔴«Ислом Каримовдан бир неча бор интервью олганман» ✔️Қобилбек Каримбеков ўша давр телевидениеси ва цензура ҳақида Ўзбекистонда хизмат кўрсатган журналист Қобилбек Каримбеков биринчи президент Ислом Каримовдан бир неча марта интервью олгани ҳамда ўша давр телевидениесида айрим сўзларни эфирдан олиб ташлаш бўйича топшириқлар бўлганини айтди. Каримбековнинг сўзларига кўра, у Ислом Каримовнинг Россия, Қирғизистон ва Японияга сафарларида иштирок этган. «Ислом Каримовдан интервью олганман, бир неча бор олганман. У киши билан Россияга сафар қилганим, Қирғизистоннинг Чўлпонотасига борганим ёдимда. Японияга ҳам беш кунлик сафар бўлган. 1994 йил 16 май куни кетиб, 19 май кечқурун қайтиб келганмиз», — деди журналист. У, шунингдек, Мустақил Давлатлар Ҳамдўстлиги анжуманларида қатнашиб, интервьюлар тайёрлаганини айтди. Бироқ суҳбатда Ислом Каримов билан интервьюлар қай тарзда тайёрлангани, саволлар олдиндан келишилгани ёки жавоблар таҳрир қилингани ҳақида маълумот бермади. Каримбеков фаолияти давомида Эркин Воҳидов, Абдулла Орипов, Иброҳим Ғафуров, Хуршид Дўстмуҳаммад, Акмал Саидов, Одил Ёқубов, Чингиз Айтматов ва НАТОнинг собиқ бош котиби Хавьер Солана каби таниқли шахслардан ҳам интервью олган. Унинг ўша давр телевидениесидаги таҳририй чекловлар ҳақидаги хотираси алоҳида эътиборга молик. Каримбеков 1996 йил 24 октябрда Туркистон саройида Амир Темурнинг 660 йиллигига бағишланган халқаро конференцияда Чингиз Айтматовдан интервью олган. Журналистнинг хотирлашича, Чингиз Айтматов суҳбат чоғида ундан исмини сўраган ва шундай деган: «Қобилбек, сен билгин, Амир Темур фақат ўзбекники эмас, бутун Ўрта Осиёники. Амир Темур — Марказий Осиёнинг ва туркий халқларнинг фахри». Мазкур интервью Амир Темур тарихига бағишланган уч қисмли кўрсатувда эфирга узатилган. Бироқ Айтматовнинг маърузаси ва интервьюсида ишлатилган «Темурланг» сўзи эфирдан олиб ташланган. «У пайтда айрим сўзларни олиб ташланг, деган топшириқ бўларди. Масалан, “Темурланг” сўзини олиб ташлар эдик. Чингиз Айтматов ҳам маърузасида, ҳам менга берган интервьюсида бу сўзни кўп ишлатган. Биз уларни тозалаганмиз ва тўғри қилганмиз», — деди Каримбеков. Журналист бу ҳолатни цензура сифатида танқид қилмади. Аксинча, «Темурланг» атамаси Амир Темурнинг жисмоний ҳолатига ишора қилишини айтиб, уни эфирдан олиб ташлашни тарихий шахсга ҳурмат билан изоҳлади. Telegram |Instagram | You Tube | Facebook | X

Views over time

02.5K5K7.5K10K9 Sep 13:3914 Nov 04:168.2K9 Sep 13:39: 0 views14 Nov 04:16: 8,180 views
Snapshots we took after posting.
WhenViews
9 Sep 2026, 13:390
14 Nov 2026, 04:168.2K

Who shared this post

Posts in other channels we index that link to this one. (Forwards with a hidden source can't be traced.)

Nobody yet.