🔴Камбағалликни қисқартиришда янги тизим қўлланади ✔️ 3,2 трлн сўм туманлар ихтиёрига берилади Президент Шавкат Мирзиёев раислигидаги йиғилишда камбағалликни қисқартириш бўйича янги тизим белгиланди. Асосий рақамлар ва янгиликлар қуйидагича: - Камбағаллик даражаси 5,8 фоиздан 3,9 фоизга тушди. Эҳтиёжманд аҳоли сони 2,2 миллиондан 1,5 миллион нафарга камайди. - 49 та туман ва 3 429 та маҳалла ишсизлик ва камбағалликдан холи ҳудудга айланиб бормоқда. - Сўнгги уч йилда маҳаллалардаги тадбиркорлик лойиҳалари учун 314 триллион сўм ресурс ажратилган. Энди натижа “қанча кредит берилди?” билан эмас, қанча иш ўрни ва барқарор даромад яратилди? деган мезон билан баҳоланади. - Туманлар ихтиёрига жами 3,2 триллион сўм ресурс берилади. Кредит миқдори, муддати ва тўлов графигини туман штаблари маҳаллий шароитдан келиб чиқиб белгилайди. - 10 та оила билан кооперация қилган тадбиркор 500 млн сўмгача, 100 та оила билан ишлаган тадбиркор 5 млрд сўмгача гаровсиз кредит олиши мумкин бўлади. - Сўнгги бир йилда очилган 86 мингта кичик корхонанинг 15 мингтаси фаолиятини тўхтатган. Яна 62 минг киши кредитини қайтаришда қийналмоқда. - Келгуси йилдан Ижтимоий реестрдаги оилалар фарзандларига боғча, ўқув маркази, йўлкира ва ОТМ ётоқхонаси харажатлари учун 12 ойлик ваучер берилади. - Ижтимоий реестрдаги ишлайдиган оналарга фарзанди бир ёшга тўлгунига қадар нафақа тўланади. - Йил якунига қадар 350 минг киши доимий ишга жойлаштирилиши, 1 миллион кишининг даромади оширилиши ва 230 минг оила камбағалликдан чиқарилиши керак. - Мамлакатдаги 8 992 та маҳалла ҳоким ёрдамчиси фаолияти қайта баҳоланади. Энг яхши мутахассисларни Хитой, Япония ва Туркияга малака оширишга юбориш режалаштирилган. Telegram| Instagram | You Tube | Facebook | X