“Markaziy Osiyo yanada kuchli va jips mintaqaga aylanib, o‘z kelajagini belgilash hamda xalqaro jarayonlarga hissa qo‘shish salohiyati tobora ortib bormoqda”. O‘zbekiston tashqi ishlar vaziri Baxtiyor Saidov Samarqanddagi “C5+1” vazirlar uchrashuvida mintaqada yuz berayotgan o‘zgarishlarga alohida e’tibor qaratdi. Kuchli, barqaror va farovon Markaziy Osiyo barcha davlatlarimiz hamda xalqaro hamkorlarimiz manfaatlariga xizmat qilishi ta’kidlandi. Vazir hamkorlikning navbatdagi bosqichida Markaziy Osiyoning yangi imkoniyatlarga ega, o‘zaro integratsiyalashgan mintaqa sifatidagi salohiyatini ro‘yobga chiqarish muhimligini qayd etdi. Bu borada iqtisodiy bog‘liqlikni mustahkamlash, ilg‘or texnologiyalar va investitsiyalarni jalb etish hamda jahon bozorlariga chiqish imkoniyatlarini kengaytirish ustuvor ahamiyat kasb etadi. @TIVmatbuot