AQShning Vashington shtatida ham 1-sentabr “O‘zbekiston Mustaqilligi kuni” sifatida nishonlanadi O‘zbekiston Respublikasi davlat mustaqilligining 35 yilligi munosabati bilan AQShning Vashington shtati gubernatori Bob Ferguson 2026-yil 1-sentabrni shtat miqyosida rasman “O‘zbekiston Mustaqilligi kuni” deb e’lon qildi. 31-avgust kuni gubernator tomonidan imzolangan maxsus proklamatsiyada O‘zbekiston mustaqilligining 35 yilligi mamlakatimiz suvereniteti, boy madaniy merosi hamda tinchlik, farovonlik va milliy taraqqiyot sari ezgu intilishlarini tarannum etuvchi tarixiy sana ekani qayd etilgan. Eslatib o‘tamiz, Vashington shtatining quruqlik maydoni 172,1 ming kvadrat kilometr, aholisi 8,18 million kishini tashkil etadi. 2025-yilda shtat yalpi ichki mahsuloti qariyb 900 milliard dollarga yetgan. Vashingtonda Amazon, Microsoft, Costco, Starbucks, T-Mobile, PACCAR va Expedia kabi global kompaniyalar joylashgan, Boeing’ning yirik ishlab chiqarish quvvatlari faoliyat yuritadi. @TIVmatbuot