На ўкраінскім тэлеканале Newsmax Україна з'явіцца праграма пра Беларусь Перадача, прысвечаная падзеям у Беларусі і вакол яе, будзе выходзіць штотыдзень. Вядучым стане аналітык Ігар Тышкевіч. Паводле яго, праграма будзе разлічаная не толькі на ўкраінскую аўдыторыю, але і на гледачоў з Беларусі і суседніх краінаў. «Задача — даць максімальна шырокі зрэз па падзеях. Прымусіць думаць самім, а не прапанаваць генеральную лінію партыі», — адзначыў Тышкевіч.