The Бульба

🕹 На поўдні Беларусі былі выведзеныя са строю тры базавыя станцыі мабільнай сувязі. Усе яны размяшчаліся непасрэдна каля ўкраінскай мяжы. Усяго за 10 дзён па невядомых прычынах перасталі працаваць прынамсі 10 такіх станцый. У мясцовых Telegram-каналах паведамлялі пра ўкраінскі ўдар па вышцы ў памежным сяле Лельчыцы. Пасля таго як станцыя ў Лельчыцах перастала працаваць, працягласць паветраных трывог у горадзе Оўруч Жытомірскай вобласці (за 60 км ад гэтага населенага пункта) на некалькі дзён скарацілася з 18 гадзін да прыкладна 3–4. Паводле звестак украінскай разведкі, адзін з беларускіх рэтранслятараў, праз якія расіяне каардынуюць паветраныя атакі на поўнач і захад Украіны, размешчаны менавіта каля Лельчыцаў у Гомельскай вобласці.