«белОрус» з Жлобіншчыны, які меў судзімасці, уцёк ў Расію і знік пад Купянскам 40-гадовы Валерый Казлоў, ураджэнец Гомельшчыны, які ваяваў супраць Украіны ў складзе 121-га мотастралковага палка арміі РФ, прапаў без вестак на Харкаўшчыне. У Беларусі ён неаднаразова быў асуджаны за рабаванні, крадзеж аўтамабіля і ўхіленне ад пакарання, адбываў тэрміны ў калоніях Бабруйска і Івацэвічаў. У 2016 годзе ўцёк у Расію праз справу аб нявыплаце аліментаў. У Бранскай вобласці Казлоў змяніў некалькі месцаў працы і працягваў назапашваць даўгі, пакуль не падпісаў кантракт з Мінабароны РФ. Ваяваў пад пазыўным «белОрус». 20 сакавіка адправіўся на баявое заданне каля вёскі Пятропаўлаўка пад Купянскам, а з 26 сакавіка лічыцца зніклым без вестак. Пошукі, якія вядзе яго новая жонка-расіянка, пакуль не далі вынікаў.