Пазняк заявіў, што нават пры мінімальным беларускім раскладзе Пуціла і Пратасевіч пойдуць пад следства Ветэран беларускага руху Зянон Пазняк у фэйсбуку рэзка пракрытыкаваў тое, як апошнім часам падаюць падзеі 2020 года, і заклікаў да адказнасці Сцяпана Пуціла, Рамана Пратасевіча і іншых дзеячаў. Прычынай стала з'яўленне ў сеціве нестандартных заяў, у адной з якіх аўтар сцвярджае, што ўсё ў 2020-м арганізаваў менавіта ён. «Наша Ніва» мяркуе, што гаворка ідзе пра Эдуарда Пальчыса. Пазняк бачыць у гэтым намёк, што Расія тут ні пры чым, як і «Рома» з «Нехтай», але лічыць, што ні Расію, ні Пратасевіча з «Нехтай» за дужкі не вынесці. На яго думку, нават пры мінімальным беларускім раскладзе яны пойдуць пад следства, а Пуціла, магчыма, быў «агентам уплыву», што паводле беларускага заканадаўства справы не адмяняе. Расійскія вушы, пісаў ён, былі відаць з самага пачатку, а беларусы ўсё ведаюць і памятаюць. Кіраўнік «Нехты» Сцяпан Пуціла адказаў у каментарах і спытаў, колькі яшчэ можна круціць абрыдлую пласцінку пра «агентаў уплыву» і «расійскі след». Ён нагадаў, што «Нехта» існуе з 2015 года, а пратэсты 2020-га зрабілі самі беларусы, а не нейкая міфічная расійская агентура. Пад пастом Пазняка і Нашай Нівы каментатары выказалі меркаванне, што ўсё, пра што Пазняк казаў раней, на самай справе збывалася і так і было.