Кітай выцясняе Польшчу з еўрапейскага рынку⁉️ У Польшчы ўсё больш адкрываюць склады TEMU з рознымі таварамі. А з пачатку года па ліпень уключна ў краіны ЕС паставілі больш за 26,5 млн адзінак бытавой тэхнікі з Кітая, а з Польшчы толькі 9,1 млн, то бок амаль утрая менш. У грашовым выражэнні кітайскі імпарт вырас на 12,9 % і перавысіў 3,2 млрд еўра, а польскі экспарт паменшыўся на 6 % да крыху больш за 2 млрд еўра. ☝️Доля Кітая на рынку ЕС ужо перавышае 38 %, тады як доля Польшчы складае 13,2 %. Прычына ў цане: пральная машына з Кітая каштуе ў сярэднім 150 еўра, з Турцыі 220, а вырабленая ў Польшчы 270. Дадаткова кітайскія кампаніі, найперш у сферы e-commerce, шукаюць склады ў Цэнтральнай і Усходняй Еўропе, а ў ліпені 2026 года Кітай упершыню стаў найбуйнейшым месячным пастаўшчыком тавараў у Польшчу. У краіне працуюць каля 30 вялікіх заводаў бытавой тэхнікі, у сектары занята больш за 100 тыс. чалавек, таму галіна папярэджвае пра закрыццё прадпрыемстваў і просіць Брусель тэрмінова абараніць еўрапейскую вытворчасць.