🚔 Пажартаваў пра калегу — прыехала міліцыя.Віцебскага вядучага абвінавацілі ў «палітычных выказваннях». Віцебскі вядучы Віталь Саўльеў паведаміў, што пасля жартаў пра калегаў падчас прафесійнай сустрэчы на яго напісалі заяву ў міліцыю. Праз дзве гадзіны пасля выступлення да яго прыехаў міліцэйскі нарад. Хтосьці даслаў у чат-бот МУС відэа з «пражаркі», абвінаваціўшы вядучага ў абразлівых выказваннях палітычнага характару. Сам Саўльеў сцвярджае, што палітыкі ў яго жартах не было. Калега, якога ён высмейваў, таксама адмаўляе дачыненне да даносу. Вядучага абурыла, што звычайны гумар паспрабавалі прадставіць як палітычнае правапарушэнне. Цяпер, прызнаецца ён, ужо не ведаеш, хто з тых, хто ўсміхаецца табе ў твар, у гэты самы час піша на цябе заяву ў міліцыю.