🏝 «Беларускія Мальдывы» могуць ператварыцца ў маштабны турыстычны комплекс Знакамітыя крэйдавыя кар’еры каля Ваўкавыска плануюць ператварыць у вялікую турыстычную зону плошчай каля 350 гектараў.Праект прадугледжвае будаўніцтва гатэляў, кавярняў, глэмпінгаў, лазняў і канатнай дарогі. Таксама плануюць арганізаваць пракат лодак і сапбордаў, рыбалку і веласіпедныя маршруты. Асаблівую цікавасць выклікае ідэя абсталяваць афіцыйныя месцы для купання. Калі праект рэалізуюць, адна з самых вядомых прыродных славутасцяў Беларусі можа ператварыцца ў паўнавартасны цэнтр адпачынку.