Упершыню з 1990-х гадоў ва ўсёй Беларусі каталікі не змаглі ўшанаваць памяць ахвяраў савецкіх рэпрэсіяў малітвай на месцах іх гібелі. У Гомлі ўлады забаранілі традыцыйнае набажэнства, якое штогод ладзілася 2 лістапада. Раней аналагічныя забароны закранулі Курапаты. І гэта ўжо не асобныя адміністрацыйныя рашэнні, а паслядоўнае выцісканне гістарычнай памяці з грамадскай прасторы. Беларускі рэжым ахвотна нагадвае пра злачынствы нацызму, але працягвае замоўчваць сталінскі тэрор і адказнасць савецкіх карных органаў. Калі ўладамі забараняецца нават малітва за забітых, гаворка ідзе не толькі пра абмежаванне рэлігійнай свабоды, але і пра спробу кантраляваць гістарычную памяць. 📌Нельга пабудаваць будучыню краіны на замоўчванні злачынстваў яе мінулага.