💻 ✌️«Кіберпартызаны» ўзламалі інфраструктуру расійскага «Росстата» Беларускія «Кіберпартызаны» сумесна з групоўкай Silent Crew заявілі пра паспяховую кібератаку на Федэральную службу дзяржаўнай статыстыкі Расіі. Паводле іх сцвярджэння, пад кантроль хакераў трапіла каля 25 тысяч камп'ютараў, а доступ быў атрыманы да цэнтральных і рэгіянальных сістэм ведамства. За час аперацыі, як паведамляецца, удалося выгрузіць каля 23 тэрабайтаў інфармацыі, уключаючы базы даных, службовыя дакументы, персанальныя звесткі і матэрыялы перапісаў насельніцтва. Асобна адзначаецца, што сярод атрыманых матэрыялаў ёсць інфармацыя, якая датычыцца ваенных стратаў Расіі ў вайне супраць Украіны. Удзельнікі аперацыі таксама заявілі пра знішчэнне ўнутранай IT-інфраструктуры ведамства.