Эвакуацыя з Алешак пройдзе праз Расію і Беларусь Цывільных жыхароў акупаваных Алешак, якія захочуць вярнуцца на падкантрольную Украіне тэрыторыю, плануюць вывезці праз Расію і Беларусь. Згодна з дакументамі, падпісанымі амбудсменамі Украіны і РФ 23 кастрычніка, людзей спачатку даставяць у Анапу, а затым ваенна-транспартным самалётам Мінабароны РФ — у Гомель. Пералёт папярэдне запланаваны на 31 кастрычніка. Украінскую дэлегацыю павінны ўзначаліць амбудсмен Дзмітрый Лубінец, прадстаўнікі яго офіса і двое ўкраінскіх журналістаў. Пагадненне таксама прадугледжвае правядзенне гуманітарных місій на Херсоншчыне не радзей за адзін раз на месяц пры каардынацыі Меланіі Трамп.