Беларуска ўвайшла ў топ-5 конкурсу «Місіс Сусвет — 2026»! 👑 Маргарыта Маскялене прадставіла Беларусь на 49-м міжнародным конкурсе прыгажосці для замужніх жанчын, фінал якога прайшоў 24 кастрычніка на Шры-Ланцы. За карону змагаліся больш за 100 удзельніц. Беларуска атрымала тытул чацвёртай віцэ-місіс, а таксама дзве дадатковыя ўзнагароды — Mrs Sport і Mrs Universe Beauty. Пераможцай стала прадстаўніца Манака Ізідора Ранковіч. Маргарыта — мама чацвярых дзяцей, уладальніца тытула «Лэдзі Беларусь — 2025». Яна мае дзве вышэйшыя адукацыі і ступень магістра мастацтвазнаўства. З шасці гадоў займалася танцамі, пазней паспрабавала сябе ў мадэльным бізнесе. Некалькі гадоў таму Маргарыта разам з сям'ёй пераехала з Мінска ў вёску.