☝️Экс-пасол Польшчы ў Парыжы заявіў, што Расія зацікаўленая ў беспарадках у Францыі Расія можа быць датычная да беспарадкаў, якія працягваюцца ў Францыі. Такое меркаванне выказаў былы пасол Польшчы ў Францыі Анджэй Бырт. Паводле яго слоў, прэзідэнт Францыі пасля працяглых спробаў весці дыялог з Пуціным змяніў пазіцыю і стаў адным з лідараў аб’яднання заходнееўрапейскіх краін у падтрымцы Украіны. Бырт адзначыў, што такая палітыка супярэчыць інтарэсам Крамля. Таму, паводле яго ацэнкі, дэстабілізацыя сітуацыі ў Францыі, распальванне ўнутраных канфліктаў і раскол грамадства маглі б стаць для Расіі вялікім поспехам.