Пад Мінскам роўпджампер сарваўся з вышыні 40 метраў — трос абарваўся Здарэнне адбылося 10 кастрычніка ў прамысловай зоне пасёлка Сосны. 40-гадовы інструктар рыхтаваў пляцоўку для наведвальнікаў і выконваў тэставы скачок, калі абарваўся трос. Мужчына ўпаў на зямлю, але неўзабаве прыйшоў у прытомнасць. Яго даставілі ў бальніцу. Медыкі ўвялі пацярпелага ў медыкаментозны сон праз траўматычны шок і цяжкае пашкоджанне спіннога мозгу.