Сёння адбыліся чарговыя заняткі курсаў беларускай мовы ў Львове! Тэмай сустрэчы сталі «фальшывыя сябры перакладчыка» — словы, падобныя ў беларускай і ўкраінскай мовах, але з рознымі значэннямі. Мы разбіралі амонімы, абмяркоўвалі лексічныя адрозненні і вучыліся пазбягаць памылак пры перакладзе. Нашы курсы — гэта не толькі вывучэнне мовы, але і магчымасць сустракацца з аднадумцамі, захоўваць родную мову і падтрымліваць беларускую супольнасць ва Украіне. Пакуль Дом Вольнай Беларусі шукае новае памяшканне, нашы сустрэчы працягваюцца дзякуючы падтрымцы неабыякавых людзей. Шчыра дзякуем Упаўнаважанаму Вярхоўнай Рады Украіны па правах чалавека Дзмітрыю Лубінцу і яго камандзе за падтрымку беларускай супольнасці. Асаблівая падзяка — Тарасу Падвірнаму, прадстаўніку Упаўнаважанага ў Львоўскай вобласці, за магчымасць праводзіць заняткі ў Цэнтры абароны правоў чалавека ў Львоўскай вобласці. Запрашаем усіх далучацца да нашых курсаў і станавіцца часткай беларускай супольнасці ў Львове! Жыве беларуская мова!!