⚖️ Рэпрэсіі ў Беларусі могуць працягвацца да 2033 года, бо рэжым не збіраецца спыняць пераслед Генеральны пракурор Дзмітрый Гара заявіў, што пошук вінаватых у так званых «экстрэмісцкіх» злачынствах, распачаты ў 2020 годзе, будзе працягвацца. Паводле яго слоў, колькасць такіх злачынстваў паступова зніжаецца. Аднак за апошнія паўтара года пракуратура падтрымала абвінавачанні больш як па 2 тысячах крымінальных спраў у дачыненні да прыкладна 2,5 тысячы чалавек. Паводле інфармацыі, якая патрабуе незалежнага пацвярджэння, у беларускіх уладных кабінетах могуць існаваць спісы людзей, у дачыненні да якіх плануецца далейшы пераслед,а таксама разлікі яго маштабаў. Ёсць паведамленні,што рэпрэсіўная кампанія можа быць разлічаная аж да 2033 года.І калі рэпрэсіі будуць працягвацца аж да 2033 года, колькасць беларусаў, якія будуць вымушаныя пакінуць краіну, толькі павялічыцца.Гэта будзе аслабляць Беларусь, паглыбляць дэмаграфічны крызіс і наносіць доўгатэрміновую шкоду яе будучыні, беларускаму народу і краіне у цэлам.