Беларусы — другія сярод замежных інвестараў у ІТ-сектар Польшчы Паводле дадзеных польскага аналітычнага цэнтра COIG, у ліпені ў Польшчы працавалі 544 ІТ-кампаніі з беларускім капіталам. Гаворка ідзе пра кампаніі, зарэгістраваныя ў катэгорыі PKD 62 — ІТ-паслугі, распрацоўка праграмнага забеспячэння і кансалтынг. Беларусь заняла другое месца сярод замежных краін па колькасці такіх кампаній, саступіўшы толькі Украіне — 1043. На трэцім месцы — Германія з 404 кампаніямі, далей ЗША — 350 і Вялікабрытанія — 331. Беларускі капітал прадстаўлены ў польскім ІТ-сектары больш чым у пяць разоў мацней, чым расійскі — 99 кампаній. Лічбы паказваюць, што беларусы працягваюць актыўна развіваць бізнес і ствараць працоўныя месцы ў Польшчы. Нягледзячы на вымушаную эміграцыю, беларускія прадпрымальнікі становяцца прыкметнай часткай польскай эканомікі.