Былы кіраўнік нямецкай выведкі затрыманы па падазрэнні ў шпіянажы У Нямеччыне затрымалі 80-гадовага Аўгуста Ханінга, які ўзначальваў Федэральную разведвальную службу (BND) з 1998 па 2005 год. Яго падазраюць у шпіянажы, спробе дзяржаўнай здрады і раскрыцці дзяржаўных сакрэтаў. Разам з ім затрымалі былога кіраўніка ягонага офіса, які, паводле следства, за грошы перадаваў Ханінгу сакрэтныя дакументы. Сярод матэрыялаў маглі быць звесткі пра ядзерную праграму Ірана, расійскую армію і інфармацыю замежных спецслужбаў. Паводле нямецкіх СМІ, за некалькі гадоў Ханінг атрымаў каля 2 тысяч дакументаў.