The Бульба

🇱🇻 Латвія пазбаўляе зброі грамадзян з беларускім і расійскім грамадзянствам Парламент Латвіі ўвёў новыя абмежаванні на валоданне зброяй для грамадзян краіны, якія адначасова маюць грамадзянства Беларусі або Расіі. Новыя нормы прадугледжваюць забарону на атрыманне дазволаў на набыццё, захоўванне і нашэнне агнястрэльнай і магутнай пнеўматычнай зброі, а таксама на яе калекцыянаванне; ужо выдадзеныя дазволы таксама могуць быць ануляваныя. Для асобаў, якія ўжо маюць такія дазволы, прадугледжаны пераходны перыяд да 1 снежня 2026 года. І гэта не першае рашэнне Латвіі, якое закранае грамадзян Беларусі: Рыгa ўжо ўводзіла абмежаванні ў сферы бяспекі, міграцыі і эканамічных сувязяў з Беларуссю, спасылаючыся на рызыкі, звязаныя з расійскай агрэсіяй і ўдзелам беларускага рэжыму ў ёй. Пры гэтым новыя правілы тычацца менавіта грамадзян Латвіі з падвойным грамадзянствам, а не ўсіх беларусаў, якія жывуць у краіне. Латвійскія ўлады абгрунтоўваюць падобныя меры нацыянальнай бяспекай на фоне вайны Расіі супраць Украіны і ўзмацнення гібрыдных пагроз у рэгіёне.