З тэррыторыі Беларусі зноў дапамагаюць Расіі атакаваць Украіну Падчас нядаўніх расійскіх удараў па Ровенскай, Валынскай і Львоўскай абласцях расійскія беспілотнікі атрымлівалі сігнал праз рэтранслятары, размешчаныя на тэрыторыі Беларусі, заявіў прадстаўнік Дзяржаўнай памежнай службы Украіны Андрэй Дземчанка. То бок нажаль Беларусь для расійскай арміі — ужо не проста саюзнік на словах. Тэрыторыя нашай краіны зараз выкарыстоўваецца як частка ваеннай інфраструктуры для атак па Украіне. І пакуль рэжым у Мінску робіць выгляд, што «не ўдзельнічае ў вайне», з беларускай тэрыторыі працягвае Расія забіваць украінцаў.