Гэтай зімой у Кіеве з’явіцца яшчэ адно беларускае месца. І нам патрэбная ваша дапамога Летась наш https://t.me/sustrecha_hub/570?single Пункт Нязламнасці быў намётам, які мы сабралі літаральна за некалькі дзён. Праз яго за зіму прайшлі тысячы людзей. Сёлета робім па-іншаму! 🏠 Мы ўжо знайшлі памяшканне і ўзгаднілі яго з гарадской адміністрацыяй. Цяпер рыхтуем там стацыянарны Пункт Нязламнасці — больш бяспечны, цёплы і разлічаны на большую колькасць людзей. А наш мабільны пункт застанецца напагатове, каб пры неабходнасці выехаць туды, дзе дапамога патрэбная найбольш. Зараз самы важны этап — усё падрыхтаваць. Мы збіраем запасы вады, прадуктаў, цёплых рэчаў і неабходнае абсталяванне. ❗️ І тут нам вельмі патрэбныя дадатковыя рукі і дапамога. Можна далучыцца рэчамі, прадуктамі, абсталяваннем, данатам або дапамагчы нам усё гэта зрабіць. Не будзем чакаць першых маразоў і адключэнняў. Рыхтуемся ўжо зараз!