Латвія і Літва могуць цалкам забараніць транзіт расійскага збожжа праз свае парты. Рашэнне абмяркоўваецца на фоне рэзкага росту паставак пасля ўдараў Украіны па расійскай партовай інфраструктуры на Балтыцы. У Літве заявілі, што выкарыстанне яе інфраструктуры для экспарту расійскага збожжа «больш непрымальна». Латвія таксама рыхтуе механізм блакавання паставак, у тым ліку збожжа, незаконна вывезенага з акупаваных тэрыторый Украіны. Пры гэтым транзіт збожжа паміж Расіяй і Калінінградскай вобласцю абмежаванні не павінны закрануць.