⚡️«Шахеды» зараз ляцяць на Кіеў уздоўж мяжы з Беларусю Расійскія рэактыўныя «Шахеды», якія атакуюць Кіеў, паводле назіранняў эксперта Сяргея «Флэша» Бескрестнова, масава выкарыстоўваюць практычна адзін і той жа маршрут. Дроны доўгі час трымаюцца каля беларускай мяжы, хоць маглі б ляцець больш кароткім шляхам. «Флэш» мяркуе, што адной з прычын могуць быць LTE-мадэмы на беспілотніках, якія працуюць праз базавыя станцыі беларускіх мабільных сетак. Такім чынам, беларуская грамадзянская інфраструктура сувязі можа выкарыстоўвацца расійскімі дронамі падчас атакі на Украіну — гэта пакуль менавіта версія эксперта, а не пацверджаны факт. Асаблівасць маршруту заключаецца ў тым, што беспілотнікі максімальна доўга застаюцца ў зоне каля беларускай мяжы, што можа забяспечваць ім сувязь і перадачу дадзеных. Для Беларусі гэта чарговы трывожны сігнал: інфраструктура краіны можа фактычна аказвацца ўцягнутай у расійскую вайну супраць Украіны нават без афіцыйнага прызнання беларускага ўдзелу.