У Маскве днём у чацвер на Верхняй Краснасельскай вуліцы як бы скончыў жыццё самагубствам 83-гадовы генерал-маёр ФСБ у адстаўцы Ігар Лапцеў. Трагедыя адбылася ў ягонай кватэры. Як паведамляе «Московский комсомолец», Лапцеў пачынаў кар’еру з удзелу ў баявых дзеяннях у Афганістане. Пазней шмат гадоў служыў у ФСБ, курыруючы пытанні інфармацыйнай бяспекі. У канцы 1990-х ён працаваў у падатковай паліцыі і займаў пасаду намесніка міністра па падатках і зборах. Пазней былы чыноўнік узначаліў савет дырэктараў групы кампаній «Інфармтэхніка». За заслугі Лапцеў быў узнагароджаны Ордэнам Пашаны.