👍👍👍👍👍👍 | #Кун_рақами Рақобат қўмитасининг Самарқанд вилояти ҳудудий бошқармаси томонидан танлов (тендер) савдоларининг рақобат тўғрисидаги қонунчилик талабларига мувофиқлиги юзасидан ўрганишлар олиб борилмоқда ✈️ Хусусан, 2024-2026 йиллар давомида ўтказилган тендер савдоларида жами 3 693 та рақобат тўғрисидаги қонунчилик талаблари бузилиши ҳолатлари аниқланган. 🗓 Жумладан, жорий йилнинг ўтган даврида бошланғич нархи 87,8 млрд сўмлик 586 та танлов савдосида рақобат қонунчилиги талаблари бузилгани аниқланган. ✈️ Ўрганишлар давомида айрим савдоларда «Рақобат тўғрисида»ги Қонун талаблари бузилиши аломатлари, жумладан, рақобатни чекловчи талаблар белгилаш, аффилланганлик ва иштирокчилар таклифларини нотўғри баҳолаш ҳолатлари аниқланган. Жумладан, Ўзбекистон маҳаллалари уюшмаси Оқдарё туман бўлимининг 780 млн сўмлик, Каттақўрғон туман ободонлаштириш бошқармасининг 180 млн сўмлик ва Тойлоқ олимпия ва паралимпия спорт турларига тайёрлаш марказининг 2,4 млрд сўмлик танловларида қонунбузилиш ҳолатлари аниқланиб, танлов натижалари бекор қилинган. ‼️ Шунингдек, сўнгги уч йил давомида ўтказилган ўрганишлар натижасида 300 га яқин мансабдор шахсларга маъмурий баённомалар расмийлаштирилиб, тегишли тартибда суд органларига юборилган. Давлат харидларида қонунийлик, шаффофлик ва барча иштирокчилар учун тенг рақобат шароитларини таъминлаш Рақобат қўмитасининг устувор вазифаларидан бири ҳисобланади. Telegram | Press_service | Facebook | Instagram | Youtube