«Աբովյան Time»․ Աշխարհը վերաձևելու պրոցեսը՝ նոր աշխարհաքաղաքական սահմանների որոշակիացումը գրեթե ավարտվում է։ Աշխարհաքաղաքական տեկտոնիկ շարժումները, որոնց ականատես ենք այսօր, ուղիղ ազդեցություն ունեն նաև Հայաստանի Հանրապետության վրա։ Իսկ Հայաստանն այսօր ինքնիշխանության մասին կասկածելի նարատիվների ծուղակում է, TRIPP-ի մասին բարի լեգենդի մոլորության մեջ, ԵՄ-ացման «շրջափակման» մեջ է, քանի որ անհամաչափ շատ է վճարում այդ անապագա պրոյեկտի համար․ մի խոսքով՝ մի քանի ուղղություններով մխրճված է անկայունացնող աշխարհաքաղաքական գործընթացներում։ Եվ զուգահեռ՝ նոր Սահմանադրությունը, որ խաղաղության «նախապայման» է դարձրել Ադրբեջանը, «առանց նախապայմանների» ևս մի գործընթաց՝ Թուրքիայի հետ հարաբերությունների կարգավորումը, որի (այնուամենայնիվ) նախապայմանը խաղաղությունն է Ադրբեջանի հետ․․․ Եվ Հայաստանի անզուգաչափ պատասխաններն ու հակազդումները այս ամենին։ Ի՛նչ ներքին իրավիճակում է Հայաստանը մուտք գործում նոր աշխարհաքաղաքական պայմաններով աշխարհ․ սա կենսական հարց է, որի պատասխանը բոլորս ենք տալու։ 🎦զրույցն ամբողջությամբ ♥️@RadioSputnikArm | 🔴🔴 106.0FM