«Մայրաքաղաքի բյուջեն ավելացել է երեք անգամ 2018-ի համեմատ, բայց քաղաքի կառավարման էֆեկտիվությունը նույն համամասնությամբ չի աճել»: «Աբովյան Time» պոդկաստի հեղինակ Արման Աբովյանի զրուցակիցը Երևանի ավագանու անդամ Արամ Թորոսյանն է: «Հաշտ չեմ քաղաքային բարձրագույն իշխանության աշխատավարձերի՝ փոխքաղաքապետերի և քաղաքապետի աշխատավարձերի գործակցի կտրուկ բարձրացման հետ․․․ 3 անգամ ավելի էֆեկտի՞վ է կառավարվում քաղաքը․ իհարկե ո՛չ։ Տրանսպորտի խնդիրը բարդացավ, մետրոն դեռ չի կառուցվել, մինչդեռ այն ժամանակ արդեն գործընթացը սկսվել էր»,– նշել է Թորոսյանը։ Ընդդիմադիր խմբակցության ղեկավարը հստակեցնում է, որ իրենք չեն պնդում, թե աշխատանք չի կատարվում, այլ արձանագրում են, որ առկա հնարավորությունների համեմատ արդյունավետությունը ցածր է: «Մենք չենք ասում՝ չի արվում գործեր, մենք ասում ենք՝ դուք քիչ էֆեկտիվությամբ եք անում՝ հաշվի առնելով ձեր հնարավորությունները․․․ KPI-ը ցածր է՝ ձեր աշխատավարձը չպիտի բարձրանա»։ Թորոսյանն առաջարկում է ավագանու անդամի աշխատանքը դարձնել պրոֆեսիոնալ՝ Ազգային ժողովի պատգամավորների օրինակով․ «Ավագանու անդամը կզբաղվի քաղաքային հարցերով: Թող լինի 35 ավագանու անդամ, ոչ թե իմ նման՝ համ էնտեղ աշխատի, համ էնտեղ փորձի... չես հասցնում այն էֆեկտիվությունը, որն անհրաժեշտ է»։ 🎦զրույցն ամբողջությամբ ♥️@RadioSputnikArm | 🔴🔴 106.0FM