ВОХӮРИИ ИТТИЛООТИЮ ФАҲМОНДАДИҲӢ БО МУҲОҶИРОНИ МЕҲНАТӢ ДАР ШАҲРИ ХАБАРОВСК Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия оид ба муҳоҷират дар доираи чорабиниҳои нақшавӣ дар бозори савдои яклухту чаканаи «На Зелёной»-и шаҳри Хабаровск бо муҳоҷирони меҳнатӣ вохӯрии иттилоотию фаҳмондадиҳӣ баргузор намуд. Зимни вохӯрӣ масъалаҳои риояи қонунгузории муҳоҷиратии Федератсияи Россия, тартиби будубош ва фаъолияти меҳнатии қонунӣ, барасмиятдарории ҳуҷҷатҳо, пешгирии ҳуқуқвайронкуниҳо, экстремизму терроризм ва таъмини амнияти иттилоотӣ баррасӣ гардиданд. Дар анҷоми вохӯрӣ ба шаҳрвандон машваратҳои ҳуқуқӣ пешниҳод гардида, роҳҳои иртибот бо Намояндагӣ барои гирифтани ёрии зарурӣ шарҳ дода шуданд.